Europar Batasunak funts bat sortu nahi du Europako nekazariak konpentsatzeko EB-Mercosur akordioak eragindako kalteengatik. Lehenik eta behin, saihestu egin beharko lirateke!

Eta hori egiteko modurik errazena akordioa ez sinatzea da.

Batzordearen iragarpenaren ondoren, Frantziak, beti akordio honen aurka agertu denak, hura sinatzeko bidea ireki zuen.

Hala ere, Frantzian, Europako beste herrialde askotan bezala, haserrea duela hilabete batzuetatik dago pil-pilean, urte hasierako protesta historikoen aldarrikapen nagusiei jaramonik egin ez zaielako: besteak beste, bidezko errenta izateko eskubideari eta merkataritza libreko akordioen amaierari.

EBk akordio hori sinatzen tematzen bada, Europako nekazariak berriro aterako dira errepideetara. Negua hurbiltzen ari da, eta horrekin batera amorrua.

Merkataritza libreko akordioak bertan behera uzteko bidea hilabete honetan zehaztu du Europar Batasuneko Justizia Auzitegiaren epaiak. Epai horren arabera, ALC EB-Marruecos legea legez kanpokoa da, eta kalte ekonomiko, demokratiko, sozial eta ingurumenekoak eragin dizkio Mendebaldeko Saharako herriari. Horrek balio behar digu gure paradigma komertziala behin betiko aldatzeko.