EHNE Bizkaiak online topaketa bat antolatu du irailaren 18an, prestakuntza agroekologikoko eskolei buruz hausnartzeko, eta, zehazkiago, Latinoamerikako Agroekologiako Institutuei buruz (IALA).

Munduan zehar, La Vía Campesinako erakundeek hirurogeita hamar eskola eta prestakuntza-prozesu baino gehiago sortu dituzte. Horiek guztiak herri-hezkuntzako metodologiekin gauzatzen dira, eta agroekologia, nekazarien feminismoa eta elikadura-subiranotasuna indartzea sustatzen dute.

EHNE Bizkaiaren lehentasunezko helburuetako bat gazteak lehen sektorean sartzea da –‘belaunaldi-erreleboa’ deitu ohi zaio–. Horretarako, prestakuntza ekintzak antolatzen ditu, baserritar berriei nekazaritza eta abeltzaintza proiektuetan laguntzen die eta politikoki erakundeen aurrean eragiten du.

Helburuak

Topaketa honetan, hainbat eskualdetako nekazarien elkarteak egiten ari diren prestakuntza-proposamenak ezagutuko ditugu, eta azpimarratuko dugu gazteen egoera eta gazteek eskoletatik nekazaritzan eta abeltzaintzan parte hartzeko jasotzen duten laguntza.

Parte hartzaileak

M. Ramadan Sylla

CNOP - Coordination Nationale des Organisations Paysannes du Mali

Nekazarien agroekologiako eta nekazaritza ekologikoko arduraduna, CNOPen Nyéléniko (CIFAN) nekazarien agroekologiari buruzko prestakuntzaren Centre Internationaleko prestakuntzaren arduraduna.

Wiranto

SPI. Indonesiako nekazarien sindikatua.

SPIko agroekologia-eskolako ikaslea, nekazaria, eta SPIren nekazaritza-erreformaren aldeko borrokan parte hartzen duena.

Metodologia

Topaketan sartzeko esteka:
https://zoom.us/j/96040052409?pwd=CPx0jUA2b45152UTSDnJe5pcAd3CZD.1

Interpretazioa ingelesez, frantsesez eta gaztelaniaz izango da.

Iraupena, guztira: 1 ordu t'erdi - 2 ordu.

Ordutegiak:

09:00am Santiago
13:00pm Bamako
15:00pm Euskal Herria
20:00pm Yakarta

Dinamizazioa galderekin: Galdera bakoitzari hizlari guztiek erantzungo diote. Ondoren, online bertaratutako guztiek azaldutakoari buruz galdetu eta iritzia eman ahal izango dute.

Galderak:

1. 1. Eskualde bakoitzeko gazteen egoera eta nekazaritza-ekoizpenean sartzeko zailtasunak. 5 minutu.
   2. Nola eta zergatik sortu zen prestakuntza-gune hau zure erakundean? 2 minutu.
   3. Zertan datzan prestakuntza, zer gai jorratzen diren eta zer metodologia erabiltzen den. 3 minutu.
   4. Nola ari da laguntzen eskoletako prestakuntza-prozesua zailtasunei aurre egiten? 2 minutu.
   5. Nola txertatzen dira parekotasuna, genero-berdintasuna edo nekazarien eta herritarren feminismoaren beste gai batzuk eskoletan? 2 minutu.
   6. Zure eskualdeko beste prestakuntza-eskola batzuekin artikulatzea? 2 minutu.