(H)ABIAN 2030
ESTRATEGIA VASCA DE EDUCACIÓN PARA LA TRANSFORMACIÓN SOCIAL
Zer da (H)ABIAN 2030?
(H)ABIAN 2030 Gizarte Eraldaketarako Hezkuntzaren (GEH) euskal Estrategia da. GEH Garapenerako Hezkuntzaren (GH) ondorengo estrategia da zuzenean. GH, nolanahi ere, erakunde publikoek bultzatu dute hainbat hamarkadatan, honako hauek sustatzeko: (i) planetako justiziarik ezaz eta desparekotasunaz jabetuta egongo diren herritar kritikoak; eta (ii) aldaketa indibidualak eta kolektiboak sortuko dituzten jardunbide ekitatibo eta solidarioak.
¿Zer hezkuntza proposatzen duzu eraldaketa sozialerako?
(H)ABIAN 2030 Estrategiak lortu beharreko orientazio bat eta hainbat aldaketa planteatzen ditu, eta hainbat eragile, subjektu eta agentek egin ditzakete haiek lortzeko ekarpenak, bakoitzak bere eremuan. (H)ABIAN 2030 estrategiak errealitatea aldatu eta eralda daitekeelako itxaropena helarazten du, eta gu ere aldatu eta eraldatu egiten gara prozesuan. Horretarako, zalantzarik gabe, estrategia hau gauzatzeko baliabideak ahalbidetuko dituen konpromiso bat behar da gizartearen eta erakundeen aldetik. Estrategia, nolanahi ere, eragile bakoitzak sustatuko dituen proposamen, politika, estrategia, ekintza eta tresna batzuetan zehaztu beharko da.
6 indar-ideia orientagarriak
1. Herritartasun global jasangarri eta bidezkoaren alternatibak lortu nahi dituzten eta eratzen dituzten subjektuei laguntzea
2. GEHren ikuspegi politiko-pedagogikoak txerta daitezen sustatzea eta indartzea
3. Eskubideen ikuspegia txerta dadin sustatzea eta indartzea
4. Tokiko-global ikuspegia txerta dadin sustatzea eta indartzea
5. Agente guztien arteko erantzunkidetasuna sustatzea, batik bat, erakunde publikoena
6. Etengabeko ikaskuntza izatea erreferentzia
Lortu nahi dituen aldaketak
Aldaketak GEHren ikusmoldean
-
- 1. aldaketa. GEHk (H)ABIAN 2030 estrategiarekin koherenteak diren ikuspegi politiko-pedagogikoak izatea.
- 2. aldaketa. GEHk ikuspegi etnozentriko, heteronormatibo eta antropozentrikoak gainditzea, eta askotariko subjektu eta agenteak inplikatzea.
- 3. aldaketa. Eskubideen ikuspegia eta tokiko-global ikuspegia GEHren funtsezko ezaugarria izatea.
- 4. aldaketa. Garatzen den ikaskuntza-kulturak jardunbideak eralda ditzala eta GEH indar dezala, ahal dela, ekintzarako prestakuntza, ekintza eraldatzaileak eta erakunde hezitzaileen rola indartzeari dagokionez.
Aldaketak hezkuntza-jardunbideetan
-
- 5. aldaketa. GEHren hezkuntza-jardunbideek ikuspegi globala duten tokiko jardunak eta eskubideen ikuspegitik begiratutako tokiko garapenak izatea.
- 6. aldaketa. GEHren jardunbideetan GEH eta Lankidetza helburu berarekin eta partekatutako gaiekin erlazionatzea.
- 7. aldaketa. GEHren jardunbideetan herritartasun globaleko alternatibak bilatzeko azterketa kritikoa egitea.
- 8. aldaketa. GEHren jardunbideek pertsona eta kolektiboen jarduna eta inplikazioa sustatzea alternatiba jasangarri, solidario eta bidezkoak abiarazteko.
Aldaketak pertsona eta kolektiboetan
-
- 9. aldaketa. Pertsona eta kolektiboek jarrera, trebetasun eta gaitasunak garatzea errealitate tokiko-globalari ikuspegi zabal eta kritiko batetik begira diezaioten.
- 10. aldaketa. GEHko pertsona eta kolektiboek beren protagonismoa beren gain hartzea, desberdintasunak eragiten dituzten arrazoiei alternatibak biltzen banaka eta kolektiboan jardun dezaten, eta gizartea inplikatzeko eta mobilizatzeko gai izan daitezen.
- 11. aldaketa. GHEko pertsona eta kolektiboek ekimen eta aliantza globalak egituratzea baina helburu berdinekin, eta horretarako estrategia, eragile eta gaiak identifikatzea.
- 12. aldaketa. Pertsona eta kolektiboek ikaskuntza-prozesuak abiaraztea norberaren hezkuntza- jardunbideetan oinarrituta, eta lortutako ikaskuntzak prozesu berrietan txerta ditzatela eta parteka ditzatela.
Aldaketak erakunde publikoetan
-
- 13. aldaketa. Erakunde publikoek GEHrekin koherenteak diren jardunbideak txertatzea eguneroko jardunean.
- 14. aldaketa. Erakunde bakoitzaren gainerako politikekin koherentea izango den GEHko politika publikoa finkatzea.
- 15. aldaketa. (H)ABIAN 2030 estrategiari atxikitako lankidetzako erakunde publikoen GEHko politikak koherenteak izatea.
- 16. aldaketa. GIHen agenda bat zehazten laguntzea Euskaditik, giza eskubideen ikuspegitik begiratuta.
Zer egin daiteke hori indartzeko?
Hezkuntza-praktikak eta -prozesuak garatzea eremu formalean, ez-formalean eta informalean, indar- eta aldaketa-ideia horiekin bat etorriz. Gainera, edozein erakunde, zentro edo kolektibok bat egin dezake estrategiarekin, bere bultzada eta konpromisoa erakusteko. Halaber, aktiboki parte har daiteke estrategiaren hedapenean, atxikimenduen bilketan eta jarraipenean.
(H)ABIAN 2030 estrategiarekin hartutako 8 konpromisoak
-
- Gizarte-eraldaketarako hezkuntza (GEH) bultzatzeko konpromisoa hartzen dugu, pentsamendu kritikoa eragiten duena, pertsona kontzienteak, ahaldunduak eta arduratsuak sustatzen dituena gizarteari eta bizitzari berari dagokienez, eta hartara, bizi dugun errealitatea eraldatzea lortu nahi duen herritartasun globala eratzen duena.
- Gure ikuspegi pedagogikoak kritikoak eta sozio- afektiboak izango dira, parte-hartzea bultzatuko dute, pedagogia feministak txertatuko dituzte, bizitzen jasangarritasuna eta subjektibotasuna txertatuko dituzte, baita dibertsitateen kudeaketa eta zapalkuntzen intersekzionalitatea ere.
- Eskubideen ikuspegia funtsezko elementua izango da gure proposamen pedagogikoetan, eta eskubide eta erantzukizunak identifikatuko ditugu.
- Errealitate desberdinen arteko elkarren mendekotasuna eta lotura izango dira gure jardunbideak sustatuko dituzten elementuak.
- (H)ABIAN 2030 estrategiak proposatutako GEHko estrategiari ekarpenak egiteko erantzunkidetasuna geure egiten dugu, ekintza-plan, jardun eta baliabide espezifikoen bitartez.
- Etengabeko ikaskuntza sustatuko dugu geure jardunbideak aztertuta.
- GEHko gure esperientzia eta ikaskuntzak partekatzeko konpromisoa hartzen dugu, gure jardun eta proposamenak hobetzeko.
- (H)ABIAN 2030 estrategiaren esparruan sortzen diren jarraipen- eta ebaluazio-batzordeetan parte hartzeko konpormisoa hartzen dugu.
Webgunea